La ĉi-monata Ranetkunveno okazos sabaton la 9-an de Novembro ĉe Bettina Feuerstein (tel 08-551 703 44). Ŝia adreso estas Kyrkvägen 2 en Järna. Por stokholmaj senaŭtuloj tio plej oportune atingeblas per loka trajno, sed la horaro estas iom maldensa kaj ne vere akordas kun nia kutima kunvenhoro 15h00. Tial ni ĉi-foje anstataŭe kunvenos je 16h00. La taŭga trajno forlasos T-centralen je 15h12, direkte al Södertälje Centrum. Eliru en Södertälje hamn (alveno je 15h48) kaj ŝanĝu al la trajno direkte al Gnesta je 15h50. Naŭ minutojn poste vi atingos Järna.
Al la decembra Ranetkunveno invitas Lotta Almqvist kaj Ian Wibberley (tel 08-724 97 77). Ĝi do okazos je 15h00 sabaton la 14-an de Decembro ĉe Lilla Sällskapets väg 66 en Bredäng, kvartalo facile atingebla per metroo.
La postkristnaskaj kunvendatoj vakas ĉiuj. Do ne hezitu anonci al Per Aarne vian pretecon gastigi Ranetkunvenon iam dum la unuaj monatoj de 2003... Ĉu vi atingeblas trajne, metroe aŭ batiskafe ne tiom gravas.